آسان ڈیجیٹل زرعی قرضہ اسکیم کےلئے آن لائن رجسٹریشن

پاکستان کی زرعی معیشت ہمیشہ سے کسانوں کے مضبوط ہاتھوں پر کھڑی رہی ہے۔ ہمارے دیہی علاقوں کے لاکھوں خاندان اپنی روزی روٹی زمین سے حاصل کرتے ہیں، لیکن بدقسمتی سے یہی کسان برسوں سے مالی مشکلات کا شکار رہے ہیں۔ بینکوں کی پیچیدہ شرائط، ضمانتوں کی کمی، دستاویزات کی دشواریاں اور بروقت سرمایہ نہ ملنے کے باعث چھوٹے کاشتکار اکثر فصل کی تیاری میں پیچھے رہ جاتے ہیں۔

اسی مسئلے کو سامنے رکھتے ہوئے حکومت نے آسان ڈیجیٹل زرعی قرضہ اسکیم متعارف کروائی ہے۔ اس پروگرام کا مقصد ہے کہ چھوٹے کسانوں کو بغیر ضمانت، شفاف اور مکمل طور پر ڈیجیٹل طریقے سے قرض فراہم کیا جائے، تاکہ وہ فصل کے لیے معیاری بیج، کھاد، اسپرے اور ڈیزل بروقت خرید سکیں۔

یہ اسکیم صرف قرض نہیں بلکہ کسانوں کے لیے ایک مکمل معاون نظام ہے جو انہیں مالی مدد، ڈیجیٹل سہولت، زرعی رہنمائی اور ان کی پیداوار کی فروخت تک سپورٹ فراہم کرتا ہے۔

سکیم کا بنیادی مقصد

اس پروگرام کی روح یہ ہے کہ کسانوں کو مالیاتی اداروں تک آسان رسائی ملے اور وہ بغیر لمبے دھکے کھائے اپنی فصل کے مطابق ضرورت پوری کر سکیں۔ حکومت نے اس اسکیم کو مکمل طور پر ڈیجیٹل رکھا ہے تاکہ:

کسان کو بینک جانے کی ضرورت نہ پڑے

درخواست سے لے کر قرض کی منظوری تک تمام عمل آن لائن ہو

ہر خرچ صاف اور شفاف رہے

جعلی کھاد اور غیر معیاری بیج سے بچاؤ ممکن ہو سکے

ڈیجیٹل سسٹم کی بدولت ہر روپے کی ادائیگی، خریداری اور لین دین ریکارڈ میں محفوظ رہتا ہے۔

آسان ڈیجیٹل زرعی قرضہ اسکیم کی اہم خصوصیات

نمبر ایک : مکمل ڈیجیٹل نظام

کسان اپنے موبائل فون یا پورٹل کے ذریعے گھر بیٹھے قرض کے لیے اپلائی کر سکتا ہے۔ نہ فارم بھرنے کی جھنجھٹ، نہ دفتر کے چکر، نہ فائلوں کا بوجھ۔

نمبر دو : . بغیر ضمانت قرض

چھوٹے کسان، جن کے پاس بینک کے لیے کوئی پراپرٹی یا سرمایہ نہیں ہوتا، اب آسانی سے زرعی قرض حاصل کر سکتے ہیں۔

نمر تین : صرف زرعی استعمال کے لیے قرض

قرض کی رقم صرف منظور شدہ زرعی دکانداروں سے خریداری میں استعمال ہو سکتی ہے، جیسے:

معیاری بیج

کھاد

زرعی ادویات

ڈیزل

اس سے رقم کے غلط استعمال کا امکان ختم ہو جاتا ہے۔

نمبر چار : قرض کی رقم زمین کے رقبے کے مطابق ملے گی

کاشتکار اپنی زمین کے ہر ایکڑ پر ایک لاکھ روپے تک قرض حاصل کر سکتا ہے۔
مالکان کے لیے زیادہ رقم جبکہ کرایے دار کسانوں کے لیے مقررہ حد کچھ کم رکھی گئی ہے۔

نمبر پانچ : ادائیگی میں آسانی

قرض کی واپسی فصل کی کٹائی کے بعد ایک ہی بار ہوتی ہے، مہینے مہینے قسطوں کا دباؤ نہیں ہوتا۔

نمبر چھ : انشورنس اور تحفظ

کسان کو:

زندگی کا بیمہ

فصل کا بیمہ

تکافل سہولت

ان تمام سیکیورٹیز کے ساتھ قرض ملتا ہے تاکہ کسی بھی حادثے یا نقصان کی صورت میں کسان تنہا نہ رہے۔

آسان ڈیجیٹل زرعی قرضہ اسکیم کےلئے اہلیت کا معیار

حکومت نے اہلیت کے معیار کو سادہ رکھا ہے تاکہ حقیقی کسان فائدہ اٹھا سکیں:

نمبر ایک : امیدوار پاکستانی شہری ہونا ضروری ہے

نمبر دو : امیدوار نادرا سے تصدیق شدہ شناختی کارڈ رکھتا ہو

نمبر تین : موبائل نمبر اسی شناختی کارڈ پر رجسٹرڈ ہونا چاہے

نمبر چار : عمر کی حد 21 سے 60 سال تک ہو

نمبر پانچ : صوبہ پنجاب اور کے پی میں زیادہ سے زیادہ 12.5 ایکڑ تک زمین ہو

سندھ میں 16 ایکڑ اور بلوچستان میں 32 ایکڑ تک

مالک یا کرایہ دار دونوں درخواست دے سکتے ہیں

یہ شرائط اس لیے رکھی گئی ہیں تاکہ اسکیم کا فائدہ بڑے زمینداروں کے بجائے اصل چھوٹے کاشتکاروں کو ملے۔

قرضے کی رقم

قرض ہمیشہ فصل کی تیاری کے لیے دیا جاتا ہے۔ نہ یہ رقم گھر کے کام میں استعمال کی جا سکتی ہے اور نہ نکال کر کہیں اور خرچ کی جا سکتی ہے۔ خریداری صرف منظور شدہ دوکانوں سے ممکن ہے

کسان کی قسم	فی ایکڑ رقم	زیادہ سے زیادہ حد	کیش نکالنے کی اجازت
زمین کے مالک	100,000 روپے	1,000,000 روپے	25 فیصد
کرایہ دار	100,000 روپے	500,000 روپے	15 فیصد

آسان ڈیجیٹل زرعی قرضہ اسکیم کےلئے درخواست دینے کا مکمل طریقہ

آن لائن طریقہ کار بہت آسان ہے اور چند مراحل پر مشتمل ہے:

نمبر ایک : سکیم کے آفیشل پورٹل پر جائیں

سرکاری پورٹل کھولیں جہاں درخواست فارم موجود ہے۔

نمبر دو : سائن اپ کریں

سائن اپ پر کلک کریں اور اپنی بنیادی معلومات درج کریں۔

نمبر تین : اہلیت کی تصدیق کریں

جو معیار دیا گیا ہے اس کو پڑھ کر تصدیق کریں کہ آپ اس کے مطابق ہیں یا نہیں

نمبر چار : فارم پُر کریں

اپنا نام، شناختی کارڈ نمبر، موبائل نمبر، زمین کی تفصیل اور دیگر ضروری معلومات درج کریں

نمبر پانچ : شرائط سے اتفاق کریں

پرسنل گارنٹی اور شرائط قبول کر کے درخواست جمع کر دیں

نمبر چھ : فیس جمع کروائیں

آن لائن 1200 روپے پروسیسنگ فیس جمع ہو جاتی ہے۔

نمبر سات : ڈیجیٹل ویری فکیشن

NADRA، ECIB، PMD اور
دیگر محکمے خودکار طریقے سے تفصیلات کی تصدیق کرتے ہیں۔

نمبر آٹھ : منظور ہونے کے بعد رقم جاری

رقم براہ راست ڈیجیٹل والٹ یا اکاؤنٹ میں منتقل ہو جاتی ہے۔

آسان ڈیجیٹل زرعی قرضہ سکیم کسانوں کے لیے مکمل سہولت اور رہنمائی

اس اسکیم کا خاص پہلو یہ ہے کہ یہ صرف قرض فراہم نہیں کرتی بلکہ کسان کو زرعی رہنمائی بھی دیتی ہے۔ زراعت کے ماہرین:

مٹی کی جانچ

بیج کے انتخاب

کھاد کے استعمال

کیڑوں کے کنٹرول

پانی کے بہتر استعمال

جہاں ضرورت ہو، کسان کو مستند مشورہ فراہم کرتے ہیں۔

حکومت اس بات کی بھی کوشش کر رہی ہے کہ کسان کی پیداوار بہتر قیمت پر فروخت ہو سکے، جس کے لیے بعض مالیاتی ادارے خریداری کے معاہدے اور گوداموں کی سہولت بھی مہیا کر رہے ہیں۔

آسان ڈیجیٹل زرعی قرضہ سکیم کی اہمیت

آسان ڈیجیٹل زرعی قرضہ اسکیم چھوٹے کسانوں کے لیے حقیقی تبدیلی کی طرف قدم ہے۔ بروقت سرمایہ اور معیاری ان پٹ ملنے سے

فصل کی پیداوار بڑھتی ہے

خرچہ کم ہوتا ہے

کسان کا منافع بہتر ہوتا ہے

دیہی معیشت مضبوط ہوتی ہے

پاکستان میں پہلی بار اتنی بڑی تعداد میں کسانوں کو ڈیجیٹل طریقے سے سہولت فراہم کی جا رہی ہے، جو ملک کی زرعی ترقی میں اہم کردار ادا کرے گی۔

اگر آپ ایک چھوٹے کسان ہیں اور اپنی فصل کے لیے بروقت سرمایہ چاہتے ہیں تو یہ اسکیم آپ کے لیے بہترین ہے۔

اس لنک پر کلک کریں اور آن لائن فارم پرکرکے جمع کروایں