میرا گھر میرا آشیانہ اسکیم کےلئے اپلائی کرنے کا طریقہ

اپنا گھر ہونا ہر انسان کا خواب ہوتا ہے۔ مگر پاکستان میں بڑھتی ہوئی مہنگائی اور زمین کی قیمتوں نے اس خواب کو بہت سے خاندانوں کے لیے مشکل بنا دیا ہے۔ اسی ضرورت کو مدِنظر رکھتے ہوئے، حکومتِ پاکستان اور اسٹیٹ بینک نے ایک شاندار منصوبہ متعارف کرایا ہے جسے “میرا گھر میرا آشیانہ اسکیم” کہا جاتا ہے۔

یہ اسکیم خاص طور پر اُن پاکستانیوں کے لیے بنائی گئی ہے جو پہلی بار اپنا گھر خریدنا یا تعمیر کرنا چاہتے ہیں۔ اس کا مقصد لوگوں کو کم شرحِ سود پر آسان اقساط میں گھر کی ملکیت دلانا ہے۔

آئیے تفصیل سے جانتے ہیں کہ یہ اسکیم ہے کیا، اس کے فوائد، شرائط اور درخواست کا مکمل طریقہ کار کیا ہے۔

میرا گھر میرا آشیانہ اسکیم کا تعارف

میرا گھر میرا آشیانہ” ایک مارک اپ سبسڈی اور رسک شیئرنگ اسکیم ہے جسے اسٹیٹ بینک آف پاکستان نے 2025 میں متعارف کرایا۔ اس کا مقصد کم اور درمیانی آمدنی والے شہریوں کے لیے گھر حاصل کرنا آسان بنانا ہے۔

اس اسکیم کے تحت بینکوں کو حکومت کی جانب سے سبسڈی فراہم کی جاتی ہے تاکہ وہ عوام کو کم شرحِ سود پر قرضے دے سکیں۔ ساتھ ہی، حکومت قرض کے کچھ حصے پر “رسک شیئرنگ” بھی کرتی ہے تاکہ بینک بلا جھجک قرض فراہم کریں۔

میرا گھر میرا آشیانہ اسکیم کے بنیادی مقاصد

نمبر ایک: کم آمدنی والے شہریوں کو گھر کے حصول میں مدد دینا۔

نمبر دو : ملک میں تعمیراتی شعبے کو فروغ دینا اور روزگار کے مواقع بڑھانا۔

نمبر تین : مالی اداروں کو محفوظ طریقے سے ہاؤسنگ قرض دینے کی ترغیب دینا۔

نمبر چار : پاکستان میں “اپنا گھر” کلچر کو عام کرنا تاکہ لوگ کرائے سے نجات حاصل کر سکیں۔

میرا گھر میرا آشیانہ اسکیم اہلیت کے شرائط

میرا گھر میرا آشیانہ” اسکیم میں شامل ہونے کے لیے کچھ بنیادی شرائط ہیں

نمبر ایک: درخواست دہندہ پاکستانی شہری ہو اور اس کے پاس قومی شناختی کارڈ ہو۔

نمبر دو : درخواست دہندہ کے نام پر پہلے سے کوئی گھر، فلیٹ یا پلاٹ موجود نہ ہو۔

نمبر تین : یہ اسکیم صرف پہلے گھر کے لیے ہے۔

نمبر چار : قرض کا استعمال صرف رہائشی مقاصد کے لیے کیا جا سکتا ہے۔

نمبر پانچ: جائیداد کی زیادہ سے زیادہ حد

گھر: 5 مرلہ تک

فلیٹ / اپارٹمنٹ: 1360 مربع فٹ تک

نمبر چھ : درخواست دہندہ کی آمدنی اتنی ہونی چاہیے کہ وہ ماہانہ اقساط ادا کر سکے۔

میرا گھر میرا آشیانہ اسکیم قرض کی تفصیلات

اس اسکیم کے تحت دو کیٹگریز میں قرض فراہم کیا جاتا ہے تاکہ مختلف طبقوں کو سہولت مل سکے۔

قرض کی رقم شرحِ سود (پہلے 10 سال کےلئے) اس کے بعد شرحِ سود
پہلی کیٹگری : بیس 20 لاکھ روپے تک قرضہ پانچ 5 فیصد شرح سود پر ملے گا
دوسری کیٹگری : بیس 20 لاکھ سے پنتیس35 لاکھ روپے تک قرضہ 8 فیصد سود پر ملے گا

قرض کی مدت: زیادہ سے زیادہ 20 سال۔
سبسڈی کا دورانیہ: پہلے 10 سال کے لیے۔
قرض کی حد: جائیداد کی کل قیمت کا 90 فیصد بینک دے گا جبکہ 10 فیصد درخواست دہندہ ادا کرے گا۔
پری پیمنٹ چارجز: اگر آپ قرض جلد واپس کرنا چاہیں تو کوئی جرمانہ نہیں ہوگا۔

میرا گھر میرا آشیانہ اسکیم کے تحت حاصل کی جانے والی سہولیات

اس اسکیم کے ذریعے آپ درج ذیل مقاصد کے لیے قرض حاصل کر سکتے ہیں

نمبر ایک: گھر یا فلیٹ کی خریداری

نمبر دو : اپنے پلاٹ پر گھر کی تعمیر

نمبر تین : پلاٹ کی خریداری اور تعمیر ایک ساتھ

یہ سہولت صارف کو اپنی ضرورت کے مطابق فیصلہ کرنے کی آزادی دیتی ہے۔

میرا گھر میرا آشیانہ اسکیم کےلئے ضروری کاغزات

درخواست دینے سے پہلے اپنی دستاویزات مکمل رکھنا بہت ضروری ہے تاکہ بینک کو آپ کی درخواست میں کوئی رکاوٹ نہ ہو۔

تنخواہ دار لوگوں کےلئے ضروری کاغزات

قرض کا درخواست فارم

امیدوار کی شناختی کارڈ کی کاپی

دو عدد پاسپورٹ سائز تصاویر

پہلی بار گھر خریدنے کا حلف نامہ

پراپرٹی کی ملکیت یا الاٹمنٹ کے کاغذات (اگر دستیاب ہوں)

تنخواہ کی سلپ یا تنخواہ سرٹیفیکیٹ

آجر (ایمپلائر) کی جانب سے تصدیق

پچھلے 12 ماہ کا بینک اسٹیٹمنٹ

اکاؤنٹ مینٹیننس سرٹیفیکیٹ

بزنس مین اور سیلف ایمپلائڈ کے لئے ضروری کاغزات

شناختی کارڈ کی کاپی

دو عدد تصاویر

کاروبار کا ثبوت (این ٹی این، شراکت داری کا معاہدہ، کاروباری رجسٹریشن وغیرہ)

دفتر کا کرایہ معاہدہ یا یوٹیلٹی بلز

پیشہ ورانہ ڈگری یا لائسنس (اگر موجود ہو)

کاروبار کے پچھلے 12 ماہ کے بینک اسٹیٹمنٹس

پراپرٹی کے کاغذات (اگر دستیاب ہوں)

غیر رسمی آمدنی والے افراد

اگر آپ کی آمدنی غیر رسمی ذرائع سے ہے تو بینک درج ذیل میں سے کسی ایک دستاویز کو بطور ثبوت قبول کر سکتا ہے:

کرایہ نامہ (رینٹ ایگریمنٹ)

یوٹیلٹی بلز (بجلی، گیس، ٹیلی فون)

اسکول فیس یا دیگر ماہانہ ادائیگیوں کی رسیدیں

میرا گھر میرا آشیانہ اسکیم کےلئےدرخواست دینے کا مکمل طریقہ

درخواست دینے کا عمل آسان ہے:

کسی بھی قریبی بینک برانچ پر جائیں جو “میرا گھر میرا آشیانہ” اسکیم کا حصہ ہے۔

قرض درخواست فارم حاصل کریں۔

مطلوبہ دستاویزات کے ساتھ فارم جمع کروائیں۔

بینک آپ کی مالی حیثیت، روزگار اور پراپرٹی کی قانونی جانچ کرے گا۔

منظوری کے بعد قرض جاری کیا جائے گا اور آپ آسان اقساط میں ادائیگی شروع کریں گے۔

یہ اسکیم ملک کے تقریباً تمام بڑے بینکوں (جیسے بینک الحبیب، فیصل بینک، حبیب بینک، میزان بینک، یونائیٹڈ بینک وغیرہ) میں دستیاب ہے۔

میرا گھر میرا آشیانہ اسکیم کے فوائد

اسکیم کے فوائد

کم شرحِ سود: صرف 5% اور 8% تک

لمبی ادائیگی کی مدت: 20 سال تک

آسان اقساط: عام شہری کی آمدنی کے مطابق

کوئی پراسیسنگ فیس نہیں

پری پیمنٹ پر کوئی جرمانہ نہیں

بینک کے لیے حکومتی تحفظ: 10 فیصد تک نقصان کا بوجھ حکومت اٹھاتی ہے

اسلامی اور روایتی دونوں بینکوں میں دستیاب

میرا گھر میرا آشیانہ اسکیم کے متعلق چند اہم مشورے

دستاویزات مکمل رکھیں: فارم جمع کروانے سے پہلے ہر چیز کی تصدیق کر لیں۔

قسطوں کا حساب پہلے سے کر لیں: تاکہ بعد میں مالی دباؤ نہ ہو۔

بینک سے وضاحت ضرور لیں: شرحِ سود، مدت اور شرائط واضح طور پر سمجھیں۔

اپنی آمدنی مستحکم رکھیں: تاکہ قسطیں وقت پر ادا کی جا سکیں۔

حکومتی اور بینک ویب سائٹس دیکھتے رہیں: اسکیم میں وقتاً فوقتاً اپ ڈیٹس آتی رہتی ہیں۔

میرا گھر میرا آشیانہ اسکیم

میرا گھر میرا آشیانہ اسکیم عام پاکستانیوں کے لیے اپنے گھر کا خواب پورا کرنے کا بہترین موقع ہے۔ اگر آپ کے پاس زمین نہیں ہے یا تعمیراتی لاگت برداشت نہیں کر سکتے، تو یہ اسکیم آپ کے لیے ایک نئی امید ہے۔

کم شرح سود، آسان اقساط، اور طویل مدت کے ساتھ حکومت کا یہ اقدام عوام کی زندگی بدلنے کی صلاحیت رکھتا ہے۔ اب یہ آپ پر ہے کہ آپ اس موقع سے فائدہ اٹھائیں اور کرائے کے گھر سے نکل کر اپنے “آشیانے” میں قدم رکھیں۔